| Wai Hung's profileT.M.的神奇畫板PhotosBlogLists |  Tools  Help |
|
T.M.的神奇畫板May 13 逃亡~~~~~~~~~事態突然!!兩老突然決定係呢個月尾屋企開始大裝修!!
所以要係呢兩個禮拜內要收拾細軟!準備逃亡!!
由於時間緊迫!!希望可以趕得切!!
暫時逃亡路線會由大埔去小西灣!!
最擔心反而係我d玩具放去邊呢~~~~~  April 28 好景不常!今個星期發生咩樹?去醫院多過玩具舖!!
首先多謝各位關心!!
但係好景不常!係星期三因為返工食完飯後又再有問題!!
終於要飛的返大埔睇急証!結果要留院兩日!今日先至出院!!
住左兩日仲慘過坐監!咩都唔做得!
又要掛住部check心臟既野,唔可以離開間病房!!
悶到反艇!!依家只係知道個胃有d過敏!!
遲d要再返去照胃鏡!
唉~~~~~~~~~~~~~~~~~~~~~ April 24 以為出事!!~~~應該冇事??今日返工返到一半發覺唔多對路!!
好辛苦~呼吸有d困難!!終於頂唔順又要再睇醫生!!
同醫生傾左一陣,佢話可能因為天氣關係,我有可能有哮喘!!
佢建議我入醫院檢查!!但係要去聖保綠!
因為私家醫院又冇買保險既關係所以冇入!
所以就先去左做心電圖同照X光先!!
過兩日等報告出左先知咩樹!
續......
夜晚都仲係有d問題連飯都食唔落!
再去那打素睇急証啦!!做多次心電圖同照X光!
照X光既時候條友叫我照果時要大力深呼吸!
點知我都未開始已經話影完!!
頂~~~~~影相都要叫1,2,3啦!!
最後當所有都驗完再見醫生!!
醫生同我講你咩事都冇喎= ="
一切正常!!!
吓~~~~~咁最後到底發生咩樹??
定係真係冇樹??
April 21 破財擋災~~~前晚諗住早d瞓跟住起身睇波!
點知一瞓醒隻眼有d痛!唔理!睇波緊要!
睇左半埸唔掂仲有d痛!唉~~~瞓覺!!
第二朝起身發覺隻左眼有d腫!唔理!返工!!
跟住今朝起身發覺隻左眼仲腫!開始有大細超既跡像!
唉~~~又要破費$160 April 17 孤島~~誘捕因為冇咩大小事,所以好耐都冇updata啦!!
因為咁樣就比人鬧鬼啦!!都係updata下先!!
4日既復活節假日唔知點解又放完!!
星期日同d fd去左西貢既一個孤島燒野食同釣魚!!
至於釣魚呢家野我一向都唔太在行!
釣左好耐都釣唔到既情況下唯有用另一種方法!!
就係係一個可見既情況下我同馬生係水面進行誘捕!!
終於可以捕到幾條魚毛仔!!
唉~~~釣魚呢家野都係返公司先用啦!!
放完呢4假又要到5月先有假放啦!!
希望快d到啦~~~~~~!!
March 24 家族~~~~~唉!!星期二我老豆冇啦啦又入左廠!!
醫生話佢貧血要留院觀察幾日!
但係醫生ckeck過又話冇內出血!
佢又無可能一個月唔見一次血架!!
好奇怪咁d血貧左去邊樹呢??
點知醫生佢可能有輕微既地中海貧血@ @"
oh~~~呢次真係仆街啦!!
我老豆呢邊果個咩家族黎架!!
佢地d祖先之前做錯d咩!!
繼有家族性心臟病之後又黎多個地中海貧血!!
唉~~~~~~~吹脹!!
March 06 冇奶力~~~~~星期日幫完馬生搬完屋真係咩奶力都用晒!!
今日起身四肢劇痛!幾鬼想放假
 !!!由此發覺搬屋真係好煩!好多野攪!!
今年7,8月左右到我屋企決定大裝修or搬走啦!!
因為我阿媽講過裝修費問題!!
加上本身屋企風水唔好!!
成個客廳對住病位,財位得個細細既窗口位!!
又冇桃花位<------唔怪得啦
 由於我同我佬細都覺得裝修費太貴!!
都提意不如搬走好過!!
現在只等兩老決定~~~
(另外作品集又多張新野啦~~~~~) February 20 恭喜~~恭喜~~~!!今個星期喜事特別多!!
首先恭喜我一位由小學到依家識左十多年既好友!!
妳終於嫁得出啦~~~~~哈哈!!
做人少奶奶就唔好再咁燥狂啦!!
恭喜~~恭喜~~~!!
再恭喜馬生馬太喬遷之喜!!
細屋搬大屋!!希望唔好唔見一籮穀啦!!
另外多謝劉生劉太既手信!!
估唔到你地見到呢盒[粉紅震震好雙乳]第一時間就話要送比我!!
真係不枉同你地相識多年!!多謝多謝!!!
February 13 笨賊~~~笨賊~~~~正笨7!!首先!恭賀劉生劉太係日本遊玩歸來!!手信0Y唔該!!!!
 開始入正題啦!!
今早9:33分!!家中電話響起!!
來電顯示出31790000的電話號碼!!
我阿媽如常接聽電話!!跟住恐怖既事情發生啦!!
我阿媽[喂!!] 一聲之後!!電話筒對面就有一把慘裂既哭聲出現!!
[嗚~~阿媽!!我係妳個仔呀!!妳唔認得我啦~~鳴~~~
我係麥xx(我老豆個名)個仔呀!!~~嗚!!
我阿媽就問[你係邊個仔呀?]
電話筒對面[我咪麥嘉......]跟住收左線.
跟住我佬細就剛剛返到屋企!我阿媽就打比我講左呢件攪笑野我知.
講到呢到大家都知如果再發生落去係咩事啦!!
真係估唔到係報紙睇到既野真係會發生!!
雖然我冇睇警信!
但係都有睇報紙同埋我所認識個兩位專業既新聞報導員報導新聞架!!
係呢度我想講下!!
你想昆人前唔該做下資料搜集0Y~~~~笨賊!
你想扮人個仔唔該比d戲啦~~~~~~~笨賊!!
你扮人個仔果時點解會同我老母講話係妳老公個仔呀~~~~笨賊!!!
你想扮人都用下個腦!唔好要黎裝屎啦~~~~~~~~~~~~笨賊!!!!
你想打電話昆人前都考慮下有來電顯示0Y~~~~~~~~~~~笨賊!!!!!
基本上你都唔可以話係笨賊!只可以形容你係條笨7!!
依家實在有太多人自以為聰明!!實際上蠢過隻豬!!
February 06 李克勤演唱會~~星期六睇完李克勤演唱會實在太正啦!! 不過話坐第4行!點知原來前面仲有3行A,B,C 變左第7行!!又坐正係中間想出去握下手都唔夠人快~~~!! 天呀~~~~~!! 加上部相機質素唔係咁好!想影d靚相都唔得!!! (下次睇草蜢前一定要買部好d既相機啦!!!) 不過好彩我個fd係克勤手上搶到幾份禮物仔返番!!一人分到一份!!
另外各位工友們都應該開晒工架啦!! 祝各位今年搵多d啦!!!
|
|
|||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
|
|
